Na Penina Malundo,TimesMajira,Online
WITO umetolewa kwa vijana nchini kuhakikisha wanajikita katika ujasiriamali ambao kwa kiasi kikubwa utaweza kuwaongezea kipato cha kujikimu kimaisha.
Mkurugenzi wa kampuni ya Ng’ara Craft inayojihusisha na masuala ya ubunifu na utengenezaji wa Mishumaa, Anastazia Nnungu amesema ujasiriamali unaweza kuwa rahisi endapo mtu akiamua kujituma katika kitu anachotaka kukufanya na kuhakikisha anakitafutia soko.
Amesema kampuni yao inafanya utengenezaji wa mishumaa ya nta ya nyuki (beeswax candles) ambapo lengo la utumiaji wa nta katika utengenezaji wa mishumaa ni kutokana na faida zake kwenye mazingira.
“Beeswax ni natural air purifier ambayo inasaidia kunyonya sumu, vumbi na molds kwenye hewa na inapunguza sana aleji au ugonjwa wa pumu kutokana na ile harufu yake,”amesema na kuongeza
“Wazo la kufanya hivi lilikuja baada ya kupata changamoto ya utumiaji wa mishumaa mingine kuleta shida kwa watoto wangu hivyo nikaamua kufanya utafiti wa utumiaji wa nta ya nyuki ambapo mishumaa mingine utumia malighafi ya Mafuta ya Petroleum,”amesema Aidha Nnungu amesema katika kuongeza thamani bidhaa zao wameamua kufanya utafiti wa baadhi ya malighafi ambazo zinasaidia kufukuza Mbu na kuchanganya katika uzalishaji wa bidhaa zao.
More Stories
NMB ‘yafunga ndoa’ na wanawake wanaomiliki shule, vyuo Tanzania
RC Mwanza afanya ziara ya kikazi katika mradi wa uwekezaji jengo la Hotel ya nyota tano wa NSSF
Wasichana vinara waiomba serikali kuondoa kodi kwenye taulo za kike