Kwetu eSIM yaunganisha nchi zaidi ya 190

Na Mwandishi Wetu,TimesMajira

WASAFIRI wanaokwenda nje ya nchi wamepatiwa suluhu za kuondokana na usumbufu wa kubadilisha SIM card, kutafuta Wi-Fi au kununua laini mpya wanapowasili katika nchi wanazotembelea, baada ya kuanzishwa kwa huduma ya Kwetu eSIM, inayowawezesha kutumia intaneti katika zaidi ya nchi 190.

Huduma hiyo imewesa kuwasaidia wasafiri kununua kifurushi cha intaneti kabla ya kuanza safari, kusakinisha eSIM kwenye simu zao na kuunganishwa na intaneti mara tu wanapowasili katika nchi wanayoelekea.

Kwa mujibu wa taarifa kutoka Kwetu eSIM, mtumiaji anaweza kuchagua nchi au eneo analokwenda, kununua kifurushi cha data na kupata QR code ambayo hutumika kusakinisha eSIM kwenye simu. Mchakato huo unadaiwa kuchukua wastani wa sekunde 60.

Imesema Card hiyo ipo tofauti na SIM card ya kawaida inayohitaji kuingizwa kwenye simu, eSIM ni SIM ya kidijitali iliyojengwa ndani ya kifaa. Hii inamwezesha msafiri kutumia kifurushi cha data cha eSIM huku akiendelea kuhifadhi laini yake ya kawaida kwa ajili ya simu na ujumbe.

Imesema Programu mpya ya Kwetu eSIM inamwezesha mtu yeyote kununua kifurushi cha intaneti kwa ajili ya safari kabla ya kusafiri na kukiwasha ndani ya chini ya dakika moja. Hakuna SIM card ya kawaida ya kubadilisha, hakuna kifaa kidogo cha kufungulia sehemu ya SIM card cha kubeba, wala foleni katika maduka ya huduma za simu uwanja wa ndege.

Unachotakiwa kufanya ni kuchagua unakokwenda, kufanya malipo, kuskani QR code au kuingiza msimbo wa usajili, na kuanza kutumia intaneti katika nchi zaidi ya 190. Kwetu eSIM inakubali malipo kwa kadi pamoja na huduma za fedha kwa njia ya simu, ikiwemo Airtel Money na Mix, kupitia DPO na pochi ya fedha ndani ya programu.

Imesema kwetu eSIM inafanya kazi kwenye simu za iPhone na Android na inatumia lugha mbalimbali, hivyo kurahisisha huduma kwa wasafiri kutoka maeneo mbalimbali duniani. Hakuna SIM card. Hakuna usumbufu wa roaming. Unatua tu na kuunganishwa.

Programu ya Kwetu eSIM sasa inapatikana kwenye Apple App Store na Google Play, huku vifurushi vya intaneti kwa ajili ya safari vikiweza pia kununuliwa kupitia kwetuesim.com. Kwa maelezo zaidi, tembelea kwetuesim.com