DC Ilala atoa agizo kwa walimu wakuu

Na Heri Shaaban, TimesMajira Online

MKUU wa Wilaya ya Ilala Ng’wilabuzu Ludigija amewataka Walimu wakuu wa Elimu Sekondari Wilaya ya Ilala wanapokamilisha ujenzi wa madarasa wawe wamekamilisha madawati yote ya Wanafunzi.

Mkuu wa Wilaya Ludigija alitoa agizo hilo katika ziara yake ya Kamati ya Ulinzi na Usalama Wilaya iliyoshirikisha Chama cha Mapinduzi kuangalia Utekelezaji wa Ilani ya chama katika fedha iliyotolewa na Serikali bilioni 5.1 kujenga madarasa 255 na madawati kila shule.

“Naagiza Wakuu wa shule ambao wanajenga madarasa ya UVIKO wakamilishe madarasa pamoja na madawati ,Mkuu wa Shule ambaye atashindwa kutekekeza agizo hili katika Wilaya yangu nitamtumbua atakuwa amejifukuzisha kazi Mwenyewe” alisema Ludigija.

Amewataka wakuu wa shule wote kushirikiana kwa pamoja fedha zipo kunapotokea changamoto watoe taarifa kwa Mkurugenzi wa Halmashauri ya Jiji la Dar es Salaam.

Alimpongeza Rais wa Jamhuri ya Muungano wa Tanzania kwa kuwekeza katika sekta ya Elimu fedha hizo watasimamia na kualikisha ujenzi wote unakwisha kwa wakati.

Alisema katika Wilaya ya Ilala ina kata 36 katika kata 36 wamefanikiwa kujenga madarasa 255 katika shule 36 za sekondari.

Kwa upande wake Mwenyekiti wa CCM Wilaya ya Ilala Ubaya Chuma alipongeza Halmashauri ya Jiji la Dar Es Salaam,Watendaji na Viongozi wa Wilaya ya Ilala kwa utekelezaji wa Ilani ya chama.

“Nawapongeza Halmashauri ya Jiji Dar es Salaam Mkurugenzi na watendaji wako kwa usimamizi mzuri madarasa yote yamemalizika kwa wakati ndani ya Halmashauri yetu ya Jiji sasa tujiandae kupokea Wanafunzi waweze kusoma ” alisema chuma.

Meya Halmashauri ya Jiji Omary Kumbilamoto alisema Halmashauri yake imeelekeza fedha shilingi bilioni 5.1 zilizotolewa na serikali kwa ajili ya madarasa na kila Kata shule zimejengwa.