Na Mwandishi Wetu, TimesMajira Online
RAIS John Magufuli amefanya uteuzi wa viongozi watatu, ikiwemo kumteua Rais Mstaafu wa Zanzibar, Dkt. Ali Mohamed Shein kuwa Mkuu wa Chuo Kikuu Mzumbe.
Dkt. Shein anachukua nafasi ya Jaji Mstaafu Barnaba Samatta ambaye anamaliza muda wake.
Taarifa iliyotolewa leo na Katibu Mkuu Kiongozi, Balozi John Kijazi, imewataja wengine walioteuliwa kuwa ni Dkt. Harrison Mwakyembe ambaye ameteuliwa kuwa Mwenyekiti wa Baraza la Chuo Kikuu cha Afya na Sayansi Shirikishi Muhimbili (MUHAS).
Dkt. Mwakyembe anachukua nafasi ya Mariam Mwaffisi ambaye amemaliza muda wake.
Aidha, Rais Magufuli amemteua, Gaudentia Kabaka kuwa Mwenyekiti wa Baraza la Chuo Kikuu cha Dodoma (UDOM). Kabaka anashika wadhifa huo kwa kipindi cha pili baada ya kipindi cha kwanza kumalizika.
Kwa mujibu wa taarifa hiyo uteuzi wa viongozi hao umeanza jana.
More Stories
AZAKI yawasilisha mapendekezo yao kwa Serikali katika kuboresha Dira ya Maendeleo ya Taifa 2050
CP.Wakilyamba :Uvamizi maeneo ya hifadhi ya taifa katavi haukubaliki
Watu wawili wanaodhaniwa majambazi wapigwa risasi na Polisi