Mashabiki jitokezini kwa Mkapa mzunguko bure

Na Mwandishi Wetu, Timesmajira

Mashabiki wa soka hapa nchini, wametakiwa kujitokeza kwa wingi kwenye Uwanja wa Benjamini Mkapa kuipa sapoti timu ya Taifa ya Tanzania ‘Taifa Stars’ kesho itakapovaana na Uganda katika mchezo wa kufuzu fainali za Kombe la Mataifa ya Afrika ‘Afcon’.

Akitoa wito huo leo katika mkutano wa Waandishi wa Habari, Afisa Habari wa TFF Clifford Mario Ndimbo amesema eneo la mzunguko tayari limeshalipiwa hivyo atakayewahi ataingia bila ya matatizo.

“Eneo la mzunguko tayari limeshajaa, kuanzia saa 6:00 mchana milango itakuwa wazi, Mtanzania popote ulipo kuwahi kwako kufika ndio kuingia kwako, Kwenye eneo la mzunguko kila Mtanzania ana nafasi ya kuingia uwanjani kwakuwa tayari zimeshalipiwa “

“Kama tiketi zingekuwa chache tungetangaza utaratibu wa namna ya kupata lakini kwa kuwa tayari zimenunuliwa zote basi milango ipo wazi kwa wote,” amesema Ndimbo.