Na mwandishi wetu, TimesMajira Online
Naibu Waziri wa Maliasili na Utalii, Mary Masanja (Mb) amewataka wananchi wa eneo la Ubaruku Wilayani Mbarali Mkoani Mbeya kuendelea kutunza na kuhifadhi mazingira ili waendelee kufaidika na uwepo wa mvua na hali ya hewa nzuri.
Ameyasema hayo leo katika Ziara ya Kamati ya Mawaziri wa Kisekta Mkoani Mbeya.
“Tunapoharibu maeneo ya Hifadhi na mazingira tunasababisha mvua zisije” amesisitiza.
Naibu Waziri Masanja amefafanua kuwa wananchi wamevamia maeneo ya Hifadhi na kufanya uharibifu wa mazingira katika vyanzo vya maji akitolea mfano wa uvamizi katika Mto Ruaha.
Amewaasa wananchi kuacha uvamizi katika maeneo ya hifadhi ili kuondokana na uharibifu wa vyanzo vya maji, ukataji miti na uchomaji mkaa na hatimaye kurithisha vizazi vijavyo.
More Stories
Ofisi ya Mwanasheria Mkuu wa Serikali,Baraza la Taifa la Ujenzi waingia makubaliano ya mashirikiano sekta ya ujenzi
Nderiananga aongoza ujumbe wa Tanzania katika Mkutano wa tatu wa Kimataifa wa watu wenye ulemavu ujerumani
Taarifa za maendeleo ziwafikie wananchi kwa usahihi