CCM hakuna kulala, Nchimbi atua Tabora kwa ziara ya siku mbili

Na Agnes Alcardo, Timesmajiraonline. Dar

KATIBU Mkuu wa Chama Cha Mapinduzi ( CCM), Balozi Dkt. Emmanuel Nchimbi, amewasili mkoani Tabora leo Desemba 19, 2024 na kupokelewa na viongozi mbalimbali ikiwemo wa kichama wakiongozwa na Mwenyekiti wa CCM Mkoa wa Tabora, Said Nkumba.

Balozi Nchimbi amewasili mkoani humo kwa ajili ya ziara yake ya kichama itakayofanyika kwa siku mbili, ambapo pia amepata nafasi ya kupokea taarifa ya utendaji wa kazi wa Chama kutoka kwa Katibu wa CCM Mkoa wa Tabora, Wilson Nkhambaku.

Pia, amepata taarifa ya utekelezaji wa Ilani ya Uchaguzi ya CCM ya Mwaka 2020 – 2025, kutoka kwa Mkuu wa Mkoa wa Tabora, Paulo Chacha.