MIAMI, Florida
TIMU ya Kikapu ya Brooklyn Nets imepata pigo, baada ya Nyota wake Kevin Durant kupata jeraha kwenye paja lake la kushoto, katika mchezo wa Ligi Kuu ya Kikapu nchini Marekani NBA, uliofanyika mwishoni mwa wiki dhidi ya Miami Heat.
Katika mchezo huo ambao Miami iliibuka na ushindi wa vikapu 109-107, Durant alitoka nje dakika 7:57 katika robo ya ufunguzi huku akifunga alama nane za kwanza za mchezo kabla ya kutoka, na baadaye timu hiyo ilitangaza mchezaji huyo hawezi kurejea dimbani.
Akizungumzia hilo kocha wa Nets Teve Nash amesema, Durant amepatwa na jeraha la paja lakini hatufahamu ameumia kwa kiasi gani ila tutafahamu atakapofanyiwa vipimo.
Durant, mwenye umri wa miaka 32 raia wa Marekani, amekosa michezo 33 msimu huu, na 24 kati ya hiyo inahusiana na jeraha la mguu wa kushoto. Alikosa mingine kutokana na kukaa katantini kwa sababu ya kukutwa virusi vya corona.
Mbali na mchezaji huyo, Nets walicheza bila ya nyota wake James Harden kutokana na kusumbuliwa na misuli pamoja na Jimmy Butler akisumbuliwa na mguu.
More Stories
Ramadhani Brothers wafikisha Tuzo ya AGT Mbuga ya Serengeti
Magwiji 27 wafuzu raundi ya tatu mashindano ya kumuenzi Lina
Mafanikio Wizara ya Ulinzi kwenye michezo miaka 60 ya muungano