April 27, 2024

Timesmajira

Gazeti Huru La Kila Siku

Biashara United, Nyamongo SC watoka sare bonanza la Barrick North Mara

Na Mwandishi Wetu,TimesMajira Online

TIMU ya Biashara United imelazimika kutoka sare ya bila kufungana na Nyamongo SC, katika mchezo wao wa kirafiki uliochezwa kwenye Viwanja vya Shule ya Sekondari Nyamongo wilayani Tarime katika Mkoa wa Mara, katika bonanza lililoandaliwa na mgodi wa Barrick wa North Mara.

Mkuu wa Wilaya ya Tarime, Kanali Michael Mnjentele(wa pili kutoka kulia), akikagua wachezaji wa timu ya Biashara United kabla ya kuanza mechi ya kirafiki baina yake na Nyamongo SC iliyofanyika jana Tarime katika bonaza lililoandaliwa na Barrick North Mara.Timu hizo zilitoka sare bila kufungana.

Mechi hiyo ilihudhuriwa na wananchi wengi kutoka vijiji jirani na Nyamongo ambapo timu zote zilioyesha mchezo mzuri huku Nyamongo FC ambayo ilijumuisha wachezaji kutoka Barrick ikicheza kwa kujihami kuhakikisha haipotezi mchezo huo dhidi ya timu hii kubwa nchini.

Baada ya jitihada za kila timu kuona lango la mwenzake kushindikana, iliamriwa ifuatiwe na hatua ya kupiga mashuti ya ‘penalty’ lakini ilishindika kufuatia mashabiki kuvamia uwanja huku wakazi wengi wa mji mdogo wa Nyamongo wakieleezea kufurahia matokeo hayo.

Mkuu wa Wilaya ya Tarime, Kanali Michael Mnjentele (katikati)akiwa na wachezaji wa Biashara United na Nyamongo FC kabla ya kuanza mechi baina hizo kwenye bonanza lililoandaliwa na Barrick North Mara.

Akifungua mchezo huo wa kirafiki Mgeni Rasmi Mkuu wa Wilaya ya Tarime, Kanali Michael Mnjentele, alisema michezo hujenga afya na kudumisha undugu, alielezea kufurahia kuona timu ya Biashara ambayo imefikia kushiriki ligi kuu nchini, ikicheza na timu ambazo zipo daraja la chini na aliipongeza Barrick mara kwa kuandaa bonanza hilo.

Mshambuliaji wa Biashara United akijaribu kumtoka mshambuliaji wa Nyamongo FC wakati wa mechi ya kirafiki ya Bonanza lililoandaliwa na Barrick North Mara.

Lengo la bonaza hilo lilikuwa ni kudumisha shirikiano baina na jamii wafanyakazi wa mgodi na vijiji jirani ,kuunga mkono jitohada za Serkali kuhamasisha wananchi kuhusiana na maradhi kiwemo kupata chanjo ya UVIKO-19 na kupima virusi vya UKIMWI sambamba na kukuza vipaji vya vijana katika michezo.

Awali katika shughuli za utangulizi wa mechi hiyo, viongozi na wachezaji wa Timu ya Biashara United Mara walitoa semina elekezi kwa vitendo kuhusu masuala mbalimbali yanayohusu mchezo huo kwa Nyamongo football Academy inayoundwa na watoto wenye umri kati ya miaka 13 na 16.

Mgodi wa Barrick North Mara unapakana na vijiji 11 ambavyo vimekuwa vikinufaika kwa namna tofauti kutokana na kuwepo uwekezaji huo hususani katika miradi mbalimbali ya kijamii ikiwemo ujenzi wa miundombinu ya barabara,shule na vtuo vya afya.