Na Joyce Kasiki,Dodoma
MKURUGENZI wa Teknolojia za Nishati Jadidifu na Mbadala kutoka Wakala wa Nishati Vijijini (REA) Mhandisi Advera Mwijage amesema,Wakala huo umejipanga kuhakikisha wananchi hususan waishio vijijini wanapata nishati safi ya kupikia na kwa bei rahisi.
Akizungumza jijini Dodoma na waandishi wa habari katika maonesho ya Kongamano la Wanawake la Nishati Mbadala Mhandisi Mwijage amesema changamoto iliyopo kwa sasa ni kwamba, nishati inaweza kupelekwa vijijini lakini endapo ikakosekana nishati inayoendana kwenye maeneo hayo wananchi watarudi kwenye matumizi yao ya kila siku ya kuni.
Kwa mujibu wa mhandisi Mwijage,bado ipo kazi kubwa ya kuhakikisha kwamba nishati zote za kupikia zinazotangazwa zinapelekwa mpaka kwenye maeneo ya vijijini na pia iwajengee wao nidhamu ya kuweza kutoa fedha zao mfukoni na kuweza kununua aina za nishati wanazozitaka,
“Sisi kama wakala tunazo programu mbalimbali na ya kwanza ambayo imeanza ni programu ya kusambaza gesi asilia katika mkoa wa Lindi na Pwani na mtandao huu utasambazwa karibu kwa wananchi 980 kwa kuanzia ambapo gharama yake ni shilingi bilioni 6.8″alisema Mhandisi Mwijage
Amesema mradi utakaofuatia utakuwa na gharama ya shilingi Bilion 13.5 na mradi huo utawanufaisha wananchi wa mkoa wa mtwara na Pwani wapatao 1400.
Ametoa wiyo kwa wananchi kwenye maeneo wanayopitiwa na bomba kuu la gesi asilia wakae tayari na wawe tayari kupokea mradi wa serikali na kutoa ushirikiano mkubwa hususani kwenye masuala ya miundombinu ya gesi itakayopita chini kwenye mashamba yao kwa urahisi.
Aidha ameutaja mradi mwingine walionao ni wa kusambaza mitungi ya gesi vijijini ambapo hadi sasa mitungi 74,600 imeshasambazwa na mradi bado unaendelea.
More Stories
Waziri Jerry afanya uteuzi wa Makamu Mwenyekiti, Wajumbe watano wa bodi ya Shirika la Posta
Kapinga atoa maagizo TANESCO ,kuhusu Vijiji vinavyolipia gharama ya mijini kuunganisha umeme
Ukiukaji wa Uhuru wa Kidini na Kutovumiliana Huzusha Malumbano ya Kimataifa