Wakuu wa mikoa ,Nec waagizwa kufuatilia miradi ya maendeleo

Esther Macha,Timesmajira,Online,Mbeya

NAIBU Katibu Mkuu wa Chama Cha Mapinduzi (CCM) Zanzibar Dkt.Mohammed   Said Mohammed amewaagiza Wakuu wa Mikoa ya  Mbeya na Songwe kuhakikisha wanafuatilia

utekelezaji wa miradi ya maendeleo iliyoelekezwa na Rais Samia Suluhu Hassan.

Huku akiwataka Wajumbe wa Halmashauri Kuu ya  CCM Taifa kwenda kwa wananchi kueleza mambo makubwa yaliyofanywa na serikali ya awamu yasita sambamba na kuwachukulia hatua watu wanaokwamisha utekelezaji wake.

Dkt, Mohammed ameyaeleza hayo mkoani hapa ikiwa ni siku ya kumpongeza Rias Samia Suluhu Hassan kwa kutimia miaka miwii ya uongozi wake tangu alipopokea kijiti baada ya kufariki  aliyekuwa Rais wa awamu ya tano Dkt.John Magufuli mwaka 2021.

Amesema kila kiongozi ana wajibu wa kueleza mambo yote muhimu yaliyofanywa na CCM pamoja na serikali yake kwani mambo mengi ya muhimu yamefanywa.

” Serikali   imeleta fedha nyingi za miradi ya maendeleo siyo  ziwekwe mifukoni hapana imeleta ili zijenge miundombinu na isaidie sisi na wananchi wote ni imani yangu kuwa ile hospitali ya Mama na Mtoto itaweza kusaidia mpaka wenzetu wa  nchi  za jirani hivyo tutumie nafasi zetu kuelezea vipaumbele ambavyo tumepewa mimi naamini baada ya miaka mitatu ilani yetu hii tutakuwa tumeimaliza na kuwarudishia na chenji wanaMbeya’’amesema.

Mwenyekiti wa Chama Cha Mapinduzi Mkoa wa Mbeya ,Dkt. Stepheni Mwakajumulo amesema kuwa Mkoa huo  umetulia kwa muda mfupi miradi mingi ya kimaendeleao imezinduliwa.

Dkt. Mwakajumulo amesema kuwa mafanikio ya awamu ya sita ni pamoja na kutatua mgogoro wa Mbarali ambao ulikuwa ni ugonjwa mkubwa uliosumbua kwa muda mrefu karibu miaka 10  na ulipelekea kutofanya siasa  zisizo na afya  kwa miaka miwili mgogoro umeisha  na kubaki historia.

‘’Sisi tupo pamoja kutekeleza ilani ya CCM ndiyo maana hata vyama vya upinzani wanakosa sababu ya kuzungumza kutokana na viongozi wa Chama Cha Mapinduzi kuwa pamoja’’amesema.

Kwa upande wake Mkuu wa Mkoa wa Mbeya , Juma Homera amesema kuwa mkoa umepokea bilioni 1.6 kwa ajili ya ujenzi wa vyuo vya ufundi stadi(VETA)katika Wilaya ya Mbarali na Chunya kwa lengo la kuwawezesha vijana kujiajiri .

‘’Serikali ya Mama Samia imetoa zaidi ya bil.34 kwa ajili ya kuboresha miundombinu katika uwanja wa kimataifa Songwe(SIA) ambapo ndege kubwa aina ya Aier Bus zinatarajia kuanza kutua mkoani hapa’’amesema Homera.