Zitto Kabwe aripoti Polisi Lindi , atakiwa kurejea tena Julai 20

Na Mwandishi Wetu, Timesmajira Online, Lindi

Kiongozi wa Chama cha ACT Wazalendo , Zitto Kabwe na viongozi wengine saba wa Chama hicho wameripoti Kituo Kikuu cha Polisi Mkoani Lindi kama walivyohitajika.

Zitto pamoja na viongozi wengine akiwemo Mbunge wa Kilwa Kusini aliyemaliza muda wake, Suleiman Bungara walikamatwa na Polisi Wilayani Kilwa Juni 23, 2020 kwa kile ambacho Polisi walikiita ‘kuhatarisha amani’.

Kwa mujibu wa Naibu Katibu wa Kamati ya Habari, Uenezi na Mahusiano na Umma, ACT Wazalendo, Janeth Rithe, viongozi hao wametakiwa kuripoti tena Polisi Lindi Julai 20, 2020.