Waziri Ndubaro ateta na timu za ATLETICO  MADRID, GETAFE  NA REAL VALLADOLID kutangaza Utalii wa Tanzania

Na Mwandishi wetu, TimesMajira Online

Waziri wa Maliasili na Utalii, Dkt. Damas Ndumbaro amefanya mazungumzo na Uongozi wa vilabu vya Atletico Madrid na  Getafe vinavyoshiriki ligi kuu ya nchini Hispania (Laliga) kwa lengo la kuitangaza Tanzania hususani sekta ya utalii 

Aidha, Dkt.Ndumbaro amefanya mazungumzo na Kilabu ya Real Valladolid inayomilikiwa na mchezaji wa zamani wa Kimataifa wa Brazil, Ronaldo De Lima ambapo Kilabu hiyo inatarajia kupanda daraja ili kushiriki Laliga

Waziri Dkt. Ndumbaro amebainisha hayo leo wakati alipokutana kwa nyakati tofauti viongozi wa Vilabu hivyo vya mpira vinavyoangaliwa na mamilioni ya  watazamaji kutoka pande zote za Dunia

Waziri Ndumbaro amesema katika  mazungumzo hayo Viongozi wote Vilabu wameonesha utayari wa kushirikiana katika kuitangaza Tanzania  kiutalii.

Akifafanua mazungumzo hayo Dkt.Ndumbaro amesema mazungumzo hayo ni moja ya jitihada za kuhakikisha  vivutio vya Utalii vya Tanzania v vinajulikana duniani kupitia michezo kwa kutangazwa   kupitia matangazo ya kwenye jezi ya Vilabu h pamoja  na mbao za matangazo (billboards) zilizopo uwanjani

” Shabaha yetu kubwa kama nchi ni kuhakikisha tunafungamanisha utalii na michezo kwa kutumia timu kubwa za mpira  kwa lengo la kuwavutia watalii wengi zaidi kuja nchini Tanzania” amesisitiza Dkt.Ndumbaro

Ameongeza kuwa Tanzania inategemea utalii wake wa Wanyamapori  kwa asilimia 100 hivyo kupitia mkakati wa kutumia michezo vivutio vingine vya utalii kama vile utalii wa fukwe, utalii wa utamaduni pamoja na utalii wa ikolojia utaweza kujulikana na dunia kote na hivyo watalii kuanza kumiminika

Katika mazungumzo hayo Ujumbe wa Tanzania umeongozwa na Waziri wa Maliasili na Utalii, Dkt. Damas Ndumbaro pamoja na Balozi wa Tanzania nchini Uhispania mwenye makazi yake mjini Paris, Ufaransa, Samwel Shelukindo