Wapanda miti 500,kumbukizi ya kuzaliwa Dkt.Samia

Na Mary Margwe, Timesmajira Online, Kiteto

Mkuu wa Mkoa wa Manyara,Queen Sendiga, Januari 27, 2025 ameungana na wakazi wa Wilaya ya Kiteto,kupanda miti 500, ikiwa ni ishara ya kuadhimisha kumbukizi ya siku ya kuzaliwa kwa Dkt. Samia Suluhu Hassan Rais wa Jamhuri ya Muungano wa Tanzania.

Maadhimisho hayo yamefanyika katika viwanja vya jengo jipya la Ofisi ya Halmashauri ya Wilaya ya Kiteto kwa kupanda miti hiyo ambayo imezunguka eneo hilo huku wananchi wakipata zawadi ya miti ya kivuli na matunda kwa ajili ya kupanda kwenye nyumba zao.

Sendiga amefafanua kuwa ni mara ya pili kwa Mkoa wa Manyara kuadhimisha kumbukizi ya siku ya kuzaliwa ya Rais Samia huku tukio hilo likiambatana na zoezi la upandaji miti.

” Tunamshukuru Dkt.Samia kwa kendelea kuelekeza miradi mingi ya maendeleo yenye manufaa chanya kwa wakazi wa Mkoa wetu wa Manyara, tuendelee kumuombea afya njema mama yetu, ili aweze kuendelea kuukumbuka wakati wote,”amesisitiza Sendiga.