Na Penina Malundo,timesmajira ,Online
WAANDISHI wa Habari wamejitosa katika kuwania nafasi za Ubunge na udiwani katika maeneo mbalimbali ya nchi.
Miongoni mwa waandishi hao ni pamoja na Mwandishi wa habari nchini Tanzania, Dk Tumain Msowoya amechukua fomu ya kuwania ubunge viti maalum kupitia Umoja wa Wanawake Tanzania kupitia Chama Cha Mapinduzi (UWT) Mkoa wa Iringa.
Mwingine ni Mpiga Picha wa Gazeti la Majira,Heri Shabani nae amejitosa katika kiny’anganyiro cha kuchukua fomu na kuwania nafasi ya udiwani katika kata ya Tabata.
Dk Tumain ambaye ni Afisa Habari wa Kampuni ya Kuzalisha nguzo za Umeme ya Qwihaya na Heri shabani ambae ni mpiga picha wa Gazeti la Majira wamekabidhiwa fomu hizo leo Jumanne tarehe 14 Julai 2020 na Makatibu wa maeneo yao husika.
Dk.Tumain amekabidhiwa na Katibu wa UWT Mkoa wa Iringa, Angela Milembe katika Ofisi za CCM mkoani huku Heri akikabidhiwa na Katibu wa CCM Kata Tabata Haruna Alphone
More Stories
Waziri Jerry afanya uteuzi wa Makamu Mwenyekiti, Wajumbe watano wa bodi ya Shirika la Posta
Kapinga atoa maagizo TANESCO ,kuhusu Vijiji vinavyolipia gharama ya mijini kuunganisha umeme
Ukiukaji wa Uhuru wa Kidini na Kutovumiliana Huzusha Malumbano ya Kimataifa