Ridhiwani aipongeza EWURA kwa utekelezaji bora majukumu

Na Joyce Kasiki,Timesmajira Dodoma

WAZIRI wa Nchi, Ofisi ya Rais, Menejimenti ya Utumishi wa Umma na Utawala Bora, Ridhiwani Kikwete, ametembelea banda la Mamlaka ya Udhibiti wa Huduma za Nishati na Maji (EWURA) na kuipongeza taasisi hiyo kwa namna inavyotekeleza majukumu yake.

Ridhiwani ametoa pongezi hizo leo Juni 17, 2026, alipotembelea banda la EWURA wakati wa  Maadhimisho ya Wiki ya Utumishi wa Umma yaliyoanza Juni 16, 2026 na yanatarajiwa kuhitimishwa Juni 25, 2026 katika viwanja vya Chinangali Park, jijini Dodoma.

“Hongereni sana kwa kazi kubwa mnayoifanya.”amesema Ridhiwani

Awali, Mkurugenzi wa Utawala na Usimamizi wa Rasilimali Watu wa EWURA, Hawa Mniga, almesema mamlaka hiyo inashiriki maadhimisho hayo kwa lengo la kuelimisha wananchi kuhusu shughuli na huduma zinazotolewa na taasisi hiyo.

“Tupo hapa katika Maadhimisho ya Wiki ya Utumishi wa Umma kwa lengo la kutoa elimu kwa wananchi pamoja na kushughulikia kero na migogoro mbalimbali kuhusu masuala ya nishati  ,” amesema Mniga.

Ameongeza kuwa ushiriki wa EWURA katika maadhimisho hayo unalenga kuimarisha uelewa wa wananchi kuhusu majukumu ya mamlaka hiyo na kuwapa fursa ya kuwasilisha changamoto zao kwa ajili ya kupatiwa ufumbuzi.