Wananchi Tandale wahimizwa kuchagua viongozi sahihi

Na Bakari Lulela, Timesmajira Online,Dar

Mbunge  wa Jimbo la Kinondoni,Abbass Tarimba,amesema wananchi  washiriki katika uchaguzi wa Serikali za Mitaa kwa kuchagua viongozi  walio sahihi.Uchaguzi huo unatarajiwa kufanyika nchini  kote Novemba 27,2024.

Tarimba,amezungumza hayo Novemba 20 mwaka huu, jijini Dar-es-Salaam, katika ufunguzi wa kampeni za uchaguzi wa Serikali za Mitaa kwa wagombea wa CCM,ambapo amesema chama hicho ,huchagua viongozi ambao wanafukika,wenye maono na nia ya kuwasaidia wananchi, kutatua na kubeba changamoto zinazowakabili ndani ya jamii.

Aidha Mbunge huyo ameeleza kuwa Kata ya Tandale ina maeneo 6 ambayo  ni Kwatumbo, Muhalitani,Sokoni,Mkunduge,Pakacha na Mtogole ambapo wamesimamisha wagombea wenye weledi wa kuwatumikia watanzania ambao ndio wapiga kura wao.

Kwa upande wake Diwani wa Kata ya Tandale Abdallah Chief amesema, viongozi hao kutoka CCM ni lulu katika kutatua changamoto mbalimbali,hivyo amewaomba wananchi wawachague.

Naye mgombea nafasi ya Uwenyekiti wa serikali za mitaa,mtaa wa Kwatumbo Abdulbali Omari amesema kuwa akipata ridhaa ya kuchaguliwa kushika kiti hicho atahakikisha,anashughulikia suala la ulinzi na usalama kwa mujibu wa muogozo wa Serikali na wananchi wa eneo la Kwatumbo.