Na Joyce Kasiki, TimesMajira Online, Dodoma
TAASISI ya kuzuia na Kupambana na Rushwa (TAKUKURU) kupitia kwa Mkurugenzi Mkuu Brigedia Jenerali John Mbung’o, imekanusha kuhusika kuwabambikizia wananchi kesi za tuhuma za rushwa, utakatishaji fedha na kuwataifishia fedha za watuhumiwa hao katika akaunti zao za benki.
Brigedia Mbung’o amesema kuwa, taarifa hizo ambazo zimekuwa zikisambaa katika mitaondao si za kweli kwani zina nia ovu ya kujenga chuki dhidi ya wananchi kwa Serikali yao.
Amesema, TAKUKURU inapokuwa imepokea tuhuma, inafanya uchunguzi ili kupata ushahidi na mara baada ya kukamilisha upatikanaji wa ushahidi huo, jalada hupelekwa kwa Mkurugenzi wa mashitaka ya umma (DPP) kwa ajili ya mapitio ya ushahidi uliokusanywa.
“DPP akiridhika na ushahidi huo kwenye jalada la uchunguzi ndipo kesi inafunguliwa mahakamani, huu ndio mchakato ambao hatuoni ni kwa namna gani suala la kubambikiziwa kesi litakavyojitokeza, ” amesema na kuongeza.
“Wananchi wa Tanzania wanalindwa na Katiba ya nchi na ndio maana wanapotuhumiwa kwa makosa yoyote yakiwemo ya rushwa watuhumiwa hao huwa na haki ya kujitetea ikiwa ni pamoja na kuwa na mawakili,” amesema Mkurugenzi huyo.
More Stories
Ofisi ya Mwanasheria Mkuu wa Serikali,Baraza la Taifa la Ujenzi waingia makubaliano ya mashirikiano sekta ya ujenzi
Nderiananga aongoza ujumbe wa Tanzania katika Mkutano wa tatu wa Kimataifa wa watu wenye ulemavu ujerumani
Taarifa za maendeleo ziwafikie wananchi kwa usahihi