Samia apita kwa asilimia 100 Uwenyekiti CCM Taifa

Na Penina Malundo, Timesmajira Online

RAIS Samia Suluhu Hassan ameshinda nafasi ya Uwenyekiti wa Chama cha Mapinduzi CCM kwa kura 1862 sawa na  asilimia 100.

Akitangaza Matokeo hayo leo mkoani Dodoma katika Mkutano Maalum wa CCM,Spika wa Bunge ambaye Mjumbe wa Kamati Kuu wa Chama hicho,Job Ndugai alisema matokeo ya kura nafasi ya Uwenyekiti wa CCM Taifa amepata kura 1862 na hakuna kura iliyoharibika.

“Wajumbe wote ni 1862,waliopiga kura ni 1862 hakuna kura iliyoharibika na Mama Samia kashinda kwa kura  1862 za ndio 1862 sawa na  Asilimia 100,”amesema

Wakati huo huo alisema walioshinda nafasi ya NEC  ni Happiness  Mgongo kwa kura  839  na Rehema Simba 867

“Katika mchakato huu wajumbe waliogombea nafasi ya Nec ni sita, wanne wakiwa  wanaume na wawili wakiwa wanawake …hawa wanawake ndio wameshinda tulikubaliana 50 kwa 50 ila wanawake wamechukua 100,”Spika Ndugai