Na Mwandishi Wetu,TimesMajira
WAFANYABIASHARA wa Kariakoo wanatarajiwa kupata fursa zaidi za mauzo na kupokea malipo kwa njia za kidijitali kupitia Kariakoo Festival 2026. Benki ya NMB imetangaza udhamini wa Sh milioni 165 kwa tamasha hilo litakalofanyika Septemba 25 hadi 27 katika Viwanja vya Mnazi Mmoja, Dar es Salaam.
Msimu wa tatu wa tamasha hilo ulizinduliwa Septemba 8 kwa msafara maalumu uliopita katika barabara na mitaa mbalimbali ya Kariakoo kabla ya kuishia Soko Kuu la Kariakoo. Uzinduzi uliongozwa na Meneja Mkuu wa Shirika la Masoko ya Kariakoo, Ashraph Abdulkarim, kwa niaba ya Mkuu wa Wilaya ya Ilala, Edward Mpogolo.
Mkuu wa Idara ya Biashara wa NMB, Alex Mgeni, alisema wafanyabiashara watapata huduma za kupokea malipo kupitia NMB Lipa Namba na NMB Mkononi. Watapata pia nafasi ya kutumia NMB Tap pamoja na taarifa kuhusu Mshiko Fasta na NMB SME World Business Credit Card kwa ajili ya mahitaji ya mitaji.
Abdulkarim amesema tamasha hilo litawasaidia wafanyabiashara kuuza bidhaa kwa bei za punguzo na kupunguza mizigo iliyopo maghalani kuelekea mwisho wa mwaka.
Waandaaji wamewahimiza wafanyabiashara kujisajili mapema na wanunuzi kujitokeza kwa wingi.
More Stories
Matatani kwa kumuua mkewe,kisa wivu wa mapenzi
SAPP yafungua fursa Tanzania kuwa kitovu cha umeme
NaPA kuongeza ufanisi ukusanyaji mapato Ilemela