Mourinho amkosoa Fernandes Euro 2020

LISBON, Ureno

KOCHA Jose Mourinho amemkosoa mchezaji wa timu ya Taifa ya Ureno, Bruno Fernandes kwa kutotoa mchango katika timu hiyo kwenye Mashindano ya Kombe la Mataifa Ulaya ‘Euro 2020’ kulinganisha na anapochezea Manchester United kwa miezi 18 iliyopita.

Fernandes, mwenye umri wa miaka 26 raia wa Ureno, ameibadilisha Man United tangu alipowasili katika klabu hiyo Januari 2020, akimaliza msimu wake wa kwanza kwa kucheza mechi 28 kwenye mashindano yote kwenye safu ya kiungo.

Mchezaji huyo alifunga mara mbili na kupata msaada katika mchezo wa mwisho wa kujiandaa wa Ureno kabla ya Euro 2020, kuchapwa 4-0 dhidi ya Israeli huko Lisbon, lakini amekuwa akikatisha tamaa katika mechi za Kundi F dhidi ya Hungary na Ujerumani kwenye mashindano hayo hadi sasa.

Fernandes alianza michezo yote miwili lakini alibadilishwa kabla ya kumalizika kwa kila mchezo, akisimamia tu dakika 64 katika kipigo cha mwisho cha 4-2 dhidi ya Ujerumani.

“Ureno kwa kiwango chake cha juu inaweza kumpiga mtu yeyote. Lakini tunahitaji kucheza na wachezaji kumi na mmoja, katika mechi hizi mbili Bruno Fernandes alikuwa uwanjani lakini kama hayupo

“Natumai ataibuka na Ufaransa, kwa sababu ni mchezaji mwenye uwezo mzuri. Anaweza kufaulu, anaweza kufunga. Anaweza kupata adhabu, anaweza kufunga penati, anaweza kufunga kwa mguu. Ana mengi ya kutoa, lakini ukweli ni kwamba katika mechi hizi mbili hakuwa na msaada,” , ”Mourinho ameliambia talkSPORT.

Ureno wanakutana na Ufaransa huko Budapest katika mchezo wao wa mwisho wa Kundi F wakijua kuwa kipigo kingine kitawaacha nafasi ya tatu kwenye msimamo na kukumba na hatari ya kukosa hatua za mtoano.