Kaniki awataka CCM kutunza siri za Chama

Na Heri Shaaban , TimesMajira Online

KADA wa chama cha Mapinduzi CCM wilaya ya Ilala SELEMANI KANIKI amewataka wana ccm kutunza siri za chama na kujenga umoja na mshikamano kwa kutekeleza Ilani ya chama cha Mapinduzi waache kuchafua viongozi waliopo madarakani.

Kada Selemani Kaniki, alisema hayo wakati wa mkutano mkuu wa Jumuiya ya Wazazi CCM uliofanyika katika tawi la Lubakaya Zingiziwa.

“Nawaomba wana ccm wezangu tutekeleze Ilani ya chama cha Mapinduzi CCM kwa kusaidia viongozi waliopo madarakani kufanya kazi za chama, maneno yetu ya chama yazungumzwe ndani yasitoke nje ili iwe Silaha ya kuwapiga wapinzani kwa kutunza siri za chama “alisema Kaniki.

Kaniki alisema ata maongezi ya familia yanazungumzwa nyumbani na familia sio ya kwenda nje hivyo Tutumie utaratibu huo wa kutunza siri za chama na kuzungumza yalio mazuri.

Aliwataka wana ccm kujenga umoja na mshikamano wasichafue viongozi waliopo madarakani badala yake wawasaidie kutekeleza majukumu yao na kukijenga chama cha Mapinduzi ikiwemo kuongeza wanachama wapya.