Kamati za mtakuwwa mvomero zatakiwa kujipanga

Na Mwandishi wetu, Timesmajira Online

Wananchi Katika Eneo la Mvomero mkoani Morogoro wamemwambia Waziri Gwajima kuwa hawazijui kamati ya ulinzi wa wanawake na watoto wa Kata za eneo hilo

Wananchi hao wa Kata ya Dakawa Wametoa kilio chao kwa Waziri Dkt. Gwajima Desemba 04, 2022 aliye lazimika kusimama na kuzungumza na wananchi wa eneo hilo akiwa katika Ziara ya Ufuatiliaji wa Kampeni ya Siu 16 za Kupinga Ukatili.

Kufuatia hali hiyo, Waziri Dkt. Gwajima ametoa maelekezo kwa Afisa Maendeleo ya Jamii wa Wilaya hiyo Sia kuhakikisha kamati hizo zinafuata mwongozo wa uanzishwaji na uendeshaji wake. MTAKUWWA

Aidha ameutaka uongozi wa Kata husika kuhakikisha wananchi wanapewa elimu ya kutosha katika siku hizi za Kampeni na baada ya Kampeni kwa kushirikiana na wadau wote wanaohusika na kupinga ukatili wilayani humo.

Waziri Gwajima aliendelea kusisitiza wanaume kujitokeza kushiriki kampeni ya kupinga ukatili kwa nguvu zote.

Kuanzia Desemba 04,2022 Waziri Dkt. Gwajima amepita Mikoa ya Morogoro, Dodoma, Singida akielkea hadi Mara akitoa Elimu kwakutumia Vituo.vya Redio na Kuzungumza na Wananchi katika Maeneo anayopita kwenye Mikoa hiyo.