Dkt.Tulia atoa mkopo wa pikipiki kwa vijana

Na Esther Macha,TimesMajira,Online,Mbeya

MBUNGE wa Jimbo la Mbeya Mjini ambaye pia ni  Naibu Spika Dkt Tulia Ackson ametoa mkopo wa Bodaboda tano zenye thamani ya shilingi milioni .12 kwa kikundi cha vijana  Iziwa.

Dkt Tulia  amesema yeye kama Mbunge lengo lake ni kuhakikisha anawawezesha vijana waweze kujiajiri wenyewe na kuendesha maisha yao.

Aidha Mbunge huyo amesema kuwa wanawake nao ni muhimu wakajiunga katika  vikundi ili waweze kupatiwa mikopo ambayo itawawezesha kuendesha maisha yao.

Akizungumzia kuhusu bima ya afya Dkt Tulia  amewataka wananchi kukata bima za afya ni jambo zuri ambalo linaweza kuwasaidia pale wanapoumwa na kusema kwamba kuna CHF  iliyoboreshwa hivyo wana nafasi ya kujiunga.

Kwa upande wake Rais wa bodaboda Jiji la Mbeya, Aliko Fwanda amesema siasa zimeisha sasa wanachapa kazi.

Naye Mwenyekiti wa Bodaboda Iziwa ,Zuberi Ndidi wameshukuru kwa mkopo huo na kuhakikisha  watajituma kufanya kazi na kuwa mfano kwa wengine.