Al Saedy yatoa msaada kwa waathirika Mafuriko Kilosa

Na Mwandishi wetu,Timesmajira

Mkuu wa Wilaya ya Kilosa Shaka Hamdu Shaka amewashukuru wadau mbali mbali ambao wanaendelea kujitokeza kusaidia wananchi walioathiriwa na mafuriko yaliyotokea katika siku za karibuni wilayani humo.

DC Shaka ameyasema hayo wakati akipokea msaada wa vitu mbalimbali kutoka kwa Ndugu Hidhi Abdallah Al Saedy kwa niaba ya kampuni ya AL- SAEDY ikiwemo magodoro zaidi ya 100, Unga wa Sembe mifuko 100, Sabuni ya kufulia na Maji ya kunywa.

Amesema Misaada hiyo inawapa faraja watu wote walipatwa na majanga hayo kwani wengi wao wamepoteza mali nyingi huku mashamba yao yakiharibiwa vibayaIkumbukwe kuwa hivi karibuni baadhi ya maeneo Wilaya ya Kilosa yalipitwa na changamoto ya mafuriko baada ya Mvua kubwa kunyesha katika mikoa ya Dodoma, Morogoro na Manyara kusabisha maafa makubwa kwa wananchi na mali zao.