Airtel yajivunia uwepo wake kwenye Kongamano la (AfIGF)

Na Rose Itono,Timesmajira

AIRTEL Tanzania imesema ushiriki wake
kwenye Kongamano la 14 la Utawala wa Mtandao wa Afrika (AfIGF)
kama mshirika wa kiufundi na Kimkakati
umetokana na ushirikiano mzuri uliopo baina ya SerikaliI na Sekta Binafsi katika
kasi ya ujumuishaji wa kidigitali

Akizungumza kwenye ufungaji wa Kongamano hilo ambalo lililanza Mei 29 na kufungwa Leo Mei 31 kwenye Ukumbi wa Kimataifa wa Mikutano wa Julius Nyerere Dar es Salaam Mkurugenzi wa Mawasiliano na Udhibiti wa Airtel Tanzania Beatrice Singano anasema haitoshi kuzungumzia mabadiliko ya kidigitali bila kuyafanya yaonekane

“Haitoshi kuzungumzia mabadiliko ya kidijitali lazima tuyafanye yaonekane,” anasema Singano na kuongeza kuwa ndiyo maana Airtel Tanzania tunafanya kazi kwa karibu na serikali

Anasema kongamano hilo ambalo Wizara ya Mawasiliano na Teknolojia ya Habari ndiyo iliyoratibu inachukua hatua shupavu kuonesha jinsi ushirikiano imara unavyoweza kuongeza kasi ya ujumuishaji wa kidijitali sio tu katika sera, bali kiutendaji.

Anaongeza ushirikiano kati ya sekta za umma na sekta binafsi ni muhimu katika kujenga mifumo jumuishi ya kidijitali iliyo salama

“Kiini cha ujumuishaji wa kidijitali: ni imani kwamba hakuna mtu anayepaswa kuachwa nyuma kwenye mabadiliko ya kidigitali Barani Afrika “anasema Singano na kuongeza kampuni kubwa ya mawasiliano hujiunga na watunga sera, mashirika ya kiraia, na wabunifu kutoka bara zima, sio tu kushiriki katika majadiliano, lakini kuendesha ajenda ya ujasiri kuhusu ufikiaji sawa, kusoma na kuandika kidijitali, pamoja na udhibiti mzuri.

“Ujumuishaji wa kidijitali hautokei kwa bahati,.unahitaji ushirikiano wa makusudi, uvumbuzi wa kiutendaji, na sera zinazofaa kwa kila mtu, iwe unaishi katikati mwa Jiji la Dar es Salaam au kijiji ambacho kinatumia mtandao kwa mara ya kwanza.”anasema Singano

Anaongeza kwa Airtel, ushirikiano huo tayari unaendelea. Kupitia ushirikiano wake na Mfuko wa Mawasiliano kwa Wote (UCSAF), kampuni imepanua mtandao wake katika maeneo ya mbali ambapo mawasiliano ilikuwa ni kitu cha anasa.
.
“Naamini kuwa Afrika inapochangamkia teknolojia ya Akili Mnemba (AI), teknolojia kwenye sekta ya fedha, na teknolojia nyingine zinazoibuka, lazima kuwe na nafasi kwa sauti zote mezani ikiwa ni pamoja na sekta binafsi”anasema Singano na kuongeza kuwa mkutano huu pia ulitoa hoja kuhusu mifumo ya udhibiti ambayo ni ya haraka na inayojumuisha

Anasema. sera mahiri ambazo hazizuii uvumbuzi, haswa kwa wanaoanza na mifumo ya kuvuka mipaka zinahitajika
sambamba na mawazo mapya yanaweza kujaribiwa kwa usalama na kwa kuwajibika.”

Jukwaa hili ni zaidi ya kumbi za kutunga sera na uwepo wa Airtel kwenye kongamano hili ni wa vitendo kwani Wajumbe wamenufaika na Wi-Fi inayoendeshwa na Airtel, simu za mkopo, na usaidizi wa moja kwa moja katik a tukio la siku tatu

Hata hivyo wakati bara la Afrika likiendelea kuangazia kaulimbiu ya mwaka huu isemayo, “Kuimarisha Mustakabali wa Kidijitali wa Afrika”, ujumbe wa Airtel Tanzania uko wazi: Mustakabali wa kidijitali ambao haujumuishi kila mtu, sii mustakabali unaostahili kujengwa.