Na Yusuph Mussa, TimesMajira Online, Tanga
MJUMBE wa Halmashauri Kuu (NEC) ya Chama Cha Mapinduzi (CCM) kutokea Mkoa wa Tanga Mohamed Salim ‘RATCO’ ameweza kutetea nafasi yake baada ya kuchaguliwa kwa kura 778.
Kwenye uchaguzi huo uliofanyika Novemba 22, 2022 jijini Tanga, ulikwenda sambamba na nafasi mbalimbali za viongozi ikiwemo Mwenyekiti wa CCM Mkoa wa Tanga.
Akitangaza matokeo hayo, Msimamizi Mkuu wa Uchaguzi huo ambaye pia ni Mkuu wa Mkoa wa Arusha John Mongela, alisema Salim alipata kura 778, huku mshindani wake wa karibu Hassan Bomboko akipata kura 563, huku Omar Sempoli akipata kura 47.
Rajab Abdallah alitangazwa kuwa Mwenyekiti mpya wa CCM Mkoa wa Tanga baada ya kuwashinda wenzake wawili.
Abdallah alipata kura 1,340, huku Mathias Mkangwa akipata kura 29 na Derick Kazoba kura tisa.
Katika uchaguzi huo, wanachama wawili kila wilaya, walichaguliwa kuwa Wajumbe wa Halmashauri Kuu ya CCM Mkoa wa Tanga, ambapo Hussein Ngaga na Halima Mussa walichaguliwa kushika nafasi hiyo kutoka Wilaya ya Korogwe Vijijini (kichama)Lushoto ni Mwanahamis Juma na Faraha Mvumo, Kilindi ni Twaha Mbwego na Abdallah Killo, Mkinga wapo Salum Badi na Mohamed Mwanyiro, Wilaya ya Korogwe Mjini (kichama) ni Mathew Mganga na Omar Zubeir.
Wilaya ya Muheza ni Shifaa Chiwaga na Hamis Ngoda, Pangani wapo Swahibu Manyoka na Omar Janja, Handeni ni Feruzi Banno na Dkt. Hamza Kabelwa, na Tanga ni Habiba Namalecha na Nassoro Makau.
More Stories
CCM inabebwa na kazi nzuri za Rais Dkt. Samia-Makalla
Wananchi Babati wamshukuru Rais Samia kwa kuwafungulia barabara
Rais Samia aungwe mkono ajenda ya nishati safi ya kupikia