Shule ya Sekondari Juhudi yajivunia mafanikio ya miaka mitatu ya ufaulu

Na Heri Shaaban (Ilala)

SHULE ya Sekondari Juhudi iliyopo wilayani Ilala mkoa Dar es Salaam inajivunia mafanikio makubwa katika ufaulu katika kipindi cha miaka mitatu shule hiyo inafaulu umepanda kwa asilimia 100 .

Akizungumza katika mahafali ya 21 ya shule ya Sekondari Juhudi Mkuu wa shule hiyo Happynes Pallangyo, amesema katika kipindi cha miaka mitatu takwimu za kitaaluma matokeo ya mtihani ya Taifa kidato cha nne NECTA kuanzia mwaka 2022 waliofanya mtihani 469 Ufaulu asilimia 84 mwaka 2023 waliofanya mtihani 440 Ufaulu asilimia 98 na mwaka 2024 569 waliofaulu asilimia 98.

“Shule yetu Sekondari ya Juhudi wahitimu wa kidato cha nne mwaka huu 2025 wanafunzi 746 wakiwemo wavulana 395 na wasichana 351 wote wameandaliwa vizuri watafanya vizuri katika mitihani yao ya Taifa wanatarajia kushika alama za juu kutokana na kuandaliwa vizuri katika mitihani mbalimbaliya majaribio” alisema Pallangyo.

Akizungumzia historia ya shule amesema shule ipo kata ya Gongolamboto ndani ya Halmashauri ya Jiji la Dar es Salaam Wilaya ya Ilala Mkoani Dar es salaam ambapo shule imejengwa kwa nguvu za wananchi kwa kushirikiana na Mkurugenzi wa Manispaa ya Ilala kipindi hicho .

Aidha amesema shule ya sekondari ya Juhudi ilizinduliwa mwaka 2002 na Mkuu wa mkoa Dar es Salaam Yusuph Makamba ikiwa na vyumba vinne vya madarasa na wanafunzi 90 na jengo moja la Utawala kwa sasa shule maendeleo kitaaluma imepandishwa hadhi na kuanzishwa kidato cha tano .

“Shule yetu ya Sekondari Juhudi kuaanzia mwaka 2016 baada kupandishwa hadhi mpaka kufikia kidato cha tano kuanzia Julai 2016 inafundisha katika mchepuo ya HGL,HGE,HGK,HKL na baadae itaongezeka ECsM.

Mwalimu Happynes Pallangyo amesema kwa hatua ambayo shule hiyo imefikia kwa kutambua mchango mkubwa uliofanywa na viongozi waliotangalia wakiongozwa na mkuu wa mkoa Dar es Salaam Yusuph Makamba na Ofisi ya Mkurugenzi wa Halmashauri ya Jiji la Dar es Salaam pamoja na wadau wa sekta ya elimu.

Kwa upande wake mgeni rasmi Rais wa Tume ya Uhamasishaji Viongozi Wanawake wa harakati wa Umoja wa Shirikisho la Afrika Diaspora Emma Nyerere aliwataka wanafunzi wa Juhudi Sekondari huko waendako wakawe mabalozi wazuri kwa kuitangaza shule hiyo na kuwa na nidhamu na kufuata maadili mema.