Bashungwa aagiza Watumishi 12 waliohama kwa kugushi barua kuchukuliwa hatua

Na mwandishi wetu, TimesMajira online

Waziri wa Nchi Ofisi ya Rais Tawala za Mikoa na Serikali za Mitaa Mhe. Innocent Bashungwa amemuagiza Naibu Katibu Mkuu anayeshughulikia TAMISEMI Ndg. Ramadhani Kailima kuwafuatilia watumishi 12 Mkoani Tanga waliogushi barua za Uhamisho na haraka sana warudishwe kwenye vituo vyao vya Kazi.

Mhe. Bashungwa ameongeza kuwa watumishi hao 12 wachukuliwe hatua stahiki za kinidhamu kwa suala la kugushi nyaraka za Serikali.

Waziri Bashungwa ametoa agizo hilo
wakati wa Kikao na Waandishi wa habari kuhusu Matokeo ya Taarifa ya Ukaguzi wa Hesabu za Mamlaka za Serikali za Mitaa kwa Mwaka wa Fedha 2020/21.