Na Mwandishi wetu, Timesmajira
Watumishi 91 waliopata ajira mpya Hospitali ya Taifa Muhimbili (MNH) na waliohamia 11 wametakiwa kutoa huduma bora kwa wananchi wanaofika Hospitali hapo.
Akizungumza leo katika ufunguzi wa mafunzo elekezi kwa watumishi hao, Kaimu Mkurugenzi Mtendaji wa MNH, Dkt. Julieth Magandi amewataka watumishi kutoa huduma bora zaidi kwa wananchi ambao hufika hospitalini hapo kwa mahitaji mbalimbali.
Dkt. Magandi ameeleza kuwa kulingana na idadi kubwa ya wananchi wanaohudumiwa na Hospitali hiyo huduma bora ndio kitu pekee kinachoweza kuifanya Hospitali hiyo kuendelea kuheshimika.
“Tuna wateja wa ndani na wateja wa nje, huduma bora ndio kitu cha msingi kwetu” amesisitiza Dkt. Magandi.
“Tunataka kila mtu atakayekuja hapa apate huduma bora, ili hata akienda huko atangaze kuwa amehudumiwa kwa viwango stahiki.” amesisitiza Dkt. Magandi.
Ameongeza kuwa Hospitali hiyo inahudumia wananchi zaidi ya 4,000 kwa siku ambao kila mmoja anahitaji huduma bora.
More Stories
Waziri Mavunde azindua rasmi shughuli za uchimbaji madini Porcupine North -Chunya Mbeya
Ofisi ya Mwanasheria Mkuu wa Serikali,Baraza la Taifa la Ujenzi waingia makubaliano ya mashirikiano sekta ya ujenzi
Nderiananga aongoza ujumbe wa Tanzania katika Mkutano wa tatu wa Kimataifa wa watu wenye ulemavu ujerumani