Na Heri Shaaban, TimesMajira Online Ilala
JESHI la Polisi Kata ya Gongolamboto limepiga marufuku vingoma vya Mtaani maarufu vigodoro kukesha katika kata ya Gongolamboto kwa ajili ya Usalama wa raia na mali zao.
Jeshi la Polisi limeagiza Wananchi wote wenye shughuli za vigodoro waanze sasubuhi mpaka Jioni wawe wamemaliza Shughuli watakao kaidi agizo watachukuliwa hatua na Jeshi la Polisi.
Akizungumza katika mkutano wa Serikali za Mtaa Ulongoni Gongolamboto ulioandaliwa na Mwenyekiti Abdulrahim Munisi OCD wa Gongolamboto A/ISP Charles Kishai alisema katika kata hiyo Shughuli za vigodoro zinatakiwa kuanza asubuhi mpaka jioni na shughuli za ukumbini mwisho saa sita usiku .
OCD Charles alisema wananchi wengi wameweka utaratibu wa kukesha na vigodoro mitaani jeshi la polisi litawakamata wote watakaovunja Sheria na taratibu .
“Tunawaomba Wananchi wote wenye shughuli kufuata utaratibu Serikali za Mitaa ili uweze kupewa kibali “alisema OCD Charles.
Akizungumzia Ulinzi na Usalama amewataka apewe Ushirikiano katika masuala ya Ulinzi Ikiwemo kupewa taarifa za siri bila kusingiziana kesi .
Aliwataka Wananchi wa Ulongoni kutoa taarifa za uharifu ikiwemo kutunza Siri za uharifu sambamba na kulipa tozo ya Ulinzi Shirikishi .
Mwenyekiti wa Serikali za Mtaa Ulongoni Kata Gongolamboto Abdulrahim Munisi aliwataka wananchi watoe tozo kwani ukitoa tozo sawa umelindaMwenyekiti Munisi alisema suala la Ulinzi shirikishi lipo kisheria amewataka Wananchi walipe tozo ya Ulinzi kukwepa kifungo .
Aidha alisema Mwananchi ukikamatwa ujatoa tozo ya Ulinzi sawa na muharifu hivyo utachukuliwa hatua za kisheria .
More Stories
Ofisi ya Mwanasheria Mkuu wa Serikali,Baraza la Taifa la Ujenzi waingia makubaliano ya mashirikiano sekta ya ujenzi
Nderiananga aongoza ujumbe wa Tanzania katika Mkutano wa tatu wa Kimataifa wa watu wenye ulemavu ujerumani
Taarifa za maendeleo ziwafikie wananchi kwa usahihi